Halili: “Jam i kënaqur me mënyrën si luajtën, tashmë shohim përpara.”

Presidenti Refik Halili, pas përfundimit të ndeshjes KF Tirana-FC Red Star, shprehu opinionin e tij mbi këtë sfidë. Me një diferencë minimale golash kreu i bardhebluve u shpreh si më poshtë:

“Fati nuk ishte me ne, Unë jam i kënaqur për mënyrën si luajtëm. Kur ka humbje ka dhe mërzitje. Ka gjëra që nuk shkojnë mirë. Në ndeshjet e ardhshme që do të kemi do të jemi me kontingjent më të madh lojtarësh, të cilët vijnë këtë javë. Shpresoj që të vazhdojmë të ecim përpara. Fati nuk ishte me ne sot.
Atë që bënë ata e kishim ne pak më parë. Në qoftë se do të kishim shënuar ne golin, do qe tjetër simfoni. Për ne si klub e rëndësishme ishte paraqitja dinjitoze. Kishim besim te skuadra. Një skuadër me goxha emër. Fati nuk ishte me ne, shpresojmë që në ndeshjet e ardhshme të ecim para.”

Powered by Live Score & Live Score App