Lojtari Erjon Hoxhallari doli ditën e sotme përballë gazetarëve në konferencën për shtyp në prag të ndeshjes Tirana-Teuta. Më poshtë deklarata e plotë e mbrojtësit:

Pas Kukësit një tjetër ndeshje e fortë, si e gjen Tiranën kjo sfidë?
Besoj se jemi në gjëndje të mirë, e treguam edhe me Kukësin që gjëndja fizike është e mirë. Luajtëm fort por na munguan golat, ndoshta edhe një penallti që nuk na u dha. Do të ishte mirë të kishim fituar pasi do të vinim me një moral tjeter.

Mos ndoshta në këtë pikë të kampionatit nuk kanë më rëndësi ndeshjet e bukura por vetëm 3 pikët?
Është e vërtetë, në pozicionin ku jemi ne na duhen pikët, shpresojmë që pas lojës së mirë të vijnë edhe pikët.

Mendon se do të kesh vështirësi nga fakti që të mungojnë shokët e repartit tënd?
Tek Tirana kanë ardhur lojtarë të përzgjedhur dhe janë nga më të mirët. Cildo të mungojë në fushë do të zëvendësohet në mënyrën më të mirë të mundshme.

Cili është objektivi real i Tiranës në këtë moment?
Mendoj që në këtë moment fokusi nuk është objektivi por ndeshja e rradhës, ti marrim një nga një ato dhe në fund të shohim.

Nese vazhdojmë me ritmet që dalim para portës do të shënojmë. Kemi arritur shpesh por nuk kemi shënuar, nëse përqëndrohemi më shumë do të jetë më e lehtë.
Pas shumë vitesh jeni ndër mbrojtjet më të mira, vetëm 13 gola të shënuar…
Meritën nuk duhet ta marim vetëm ne mbrojtësat pasi ekipi mbron i gjithi duke filluar që nga sulmi, të gjithë kemi merita.